AT-OeStA/HHStA UR AUR 13565 Neuberger Teilungsvertrag der Herzoge Albrecht [III.] und Leopold [III.] von Österreich, 1379.09.25 (Einzelstück (Aktenstück, Bild, Karte, Urkunde))

Archivplan-Kontext

AT-OeStA Österreichisches Staatsarchiv (Archiv (ÖStA))
- AT-OeStA/HHStA Haus-, Hof- und Staatsarchiv (Abteilung)
  - AT-OeStA/HHStA UR Urkundenreihen, Siegelabguss- und Typarsammlungen, Staatsverträge Abschriften und Drucke, 0816.02.05 - 1918.09.14 (Bestandsgruppe)
    - AT-OeStA/HHStA UR AUR Allgemeine Urkundenreihe (AUR), 0816.02.05-1918 (Bestand)
      - Allgemeine Urkundenreihe 2952 - 17540, 1300 (ca.)-1399.12.29 (Teilbestand)
        
        $AT-OeStA/HHStA UR AUR 13564 1) Heinrich von Dachsberg verschreibt sich gegenüber Herzog Leopold [III.] von Österreich über die ihm verpfändete Feste und Stadt Waidhofen [an der Thaya]. \ 2) Herzog Leopold [III.] von Österreich reversiert Heinrich von Dachsberg bezüglich des Pfandsatzes Waidhofen.,$ AT-OeStA/HHStA UR AUR 13564 1) Heinrich von Dachsberg verschreibt sich gegenüber Herzog Leopold [III.] von Österreich über die ihm verpfändete Feste und Stadt Waidhofen [an der Thaya]. \ 2) Herzog Leopold [III.] von Österreich reversiert Heinrich von Dachsberg bezüglich des Pfandsatzes Waidhofen.,
        AT-OeStA/HHStA UR AUR 13565 Neuberger Teilungsvertrag der Herzoge Albrecht [III.] und Leopold [III.] von Österreich, 1379.09.25 (Einzelstück (Aktenstück, Bild, Karte, Urkunde))
        AT-OeStA/HHStA UR AUR 13566 Die Brüder Herzog Albrecht [III.] und Herzog Leopold [III.] einigen sich über die Teilung des Ungelds im Landgericht [Wiener] Neustadt., 1379.09.26 (Einzelstück (Aktenstück, Bild, Karte, Urkunde))

Angaben zur Identifikation
Signatur:	AT-OeStA/HHStA UR AUR 13565
Titel:	Neuberger Teilungsvertrag der Herzoge Albrecht [III.] und Leopold [III.] von Österreich
Entstehungszeitraum:	25.09.1379
Stufe:	Einzelstück (Aktenstück, Bild, Karte, Urkunde)

Angaben zum Kontext
Provenienz:	Rep. 1;
Archivalienart:	Urkunde

Angaben zu Inhalt und Struktur
Regest:	Wir Albrecht und Leupolt gebrüder von gottes gnaden hertzogen ze Osterreich ze Steyr ze Kernden und ze Krain herren auf der Windischen Marich und zu Portenaw grafen ze Habsburg ze Tyrol ze Phyrt und ze Kyburg marggrafen ze Burgow und lantgrafen in Elsazzen bekennen und tun kund offenleich mit disem brief, daz wir nach rat unsers rates mit guter vorbetrachtung durch gemaches und frides willen unser selbs und aller unserr erben und nachkomen und auch allerr unserr land und leut uberain komen sein wizzentleich ainer solichen tailung unserr land und herscheften, als hienach geschriben stet. Des ersten, daz wir hertzog Albrecht und unser erben zu unserm tail haben und besitzen sullen ewikleich das land und hertzogtum ze Osterreich oberthalb und niderthalb der Ens mitsambt der vest und stat ze Steyr und aller irer zugehörung, die in die gemerk des landes ze Steyr nicht treffen noch ruren, als verre die hofschrann und haubtmannschaft ze Gretz geet, und mit der Halstat und dem Ischenland und allem dem so dartzu gehört von dem Payrschem gemerk an des von Saltzburg gebiet derichts dem Steyrischen gemerk nach ab untz an das Ungerisch und dartzu was in die hofschrann ze Wienn gehört, mit alllen herren rittern und knechten und mit allen den vesten stetten und merkten dörffern und gütern mautten zöllen gerichten vogteyn gelaitten wiltpenn und allen andern ampten nützen und gülten, wie die genant oder wa die gelegen sein, mit fürstlicher herschaft und vollen gantzen gewälten und mit aller lehenschaft und manschaft gaistlicher und weltlicher, als das alles in die egenante hofschrann ze Wienn und die hauptmannschaft ob der Ens oder die phleg ze Steyr gehört, als das ein lantmarschalich in Osterreich und ein haubtman ob der Ens oder ein purggraf ze Steyr untz her innegehebt habent, ausgenomen der stat ze der Newnstat mit allen irn rechten freyhaiten und gnaden in stetten auf wazzer und auf land, als si bey dem hochgeborn fürsten unserm lieben herren und vater hertzog Albrechten seliger gedechtnuzz gehebt hat untz an uns und mit dem kirchenlehen daselbs und dem lantgericht das von alter dartzu gehört, und dem markt ze Newnkirchen und der vest Klamm und Schadwienn dem markt und Aspang vest und markt mit allen irn zugehörungen, und dartzu den zehenden und perkrechten in demselben lantgericht ze der Newnstat gelegen, die ytzund versetzt sind. Dieselben stuk alle vorbenant uns hertzog Leupolten und unsern erben beleiben süllent ewikleich doch mit solichen auszügen, daz die vesten Starhenberg Püten Ternberg und Swertzenpach mit allen zugehörungen und mitsamt dem lantgericht auf allen den gütern die dartzu gehörent dem egenanten unserm brüder hertzog Albrecht beleiben süllent. Aber umb das lantgericht auf den velden und auch auf den strazzen die auf denselben velden geend, die Püten gehörent,sol es steen an unsern lieben getrewn Haidenreichen von Meissaw obristen schenken in Osterreich, Hansen von Liechtenstain unserm hertzog Albrechts hofmaister, Gotfriden Müller hofmaister und Hainreichen Gessler kammermeister unser des egenanten hertzog Leupoldts, also was die vier darnach, so si das beschawt habent, zwischen uns darumb sprechen, daz wir das bed gentzleich stet haben und dabey beleiben süllen. Es süllent auch unser saltzsieden ze Ausse und an der Halstat und das saltz ze Gmunden mit dem saltz füren und verkauffen steen und beleiben, als es untz herkommen ist. Auch süllen wir hertzog Albrecht die purkhüten und dienst auf die vesten Gütenstain Püten Starhenberg Ternberg und Schwertzenpach alain auzrichten, und sol unser bruder hertzog Leupolt fürbaz nichts gebunden sein dartzu ze geben. Et süllent auch all herren und edel leut ritter knecht und all phaffen die in dem vorgenanten lantgericht zu der Newnstat gesezzen sind, unser hertzog Albrechts sein, und in unser hoftaiding gen Wienn komen, und uns in allen sachen mit vollen und gantzen gewelten
	zugehören und gehorsam sein, als irm rechten herren. Und süllen auch wir derselb hertzog Albrecht alle lehen in dem egenanten lantgericht leihen. Aber die phaffhait in der Newnstat ze Newnkirchen ze Schadwienn und ze Aspang und irn zugehörungen, als ob geschriben ist, süllen dem egenaten unserm bruder hertzog Leupolten beleiben. Dagegen süllen wir hertzog Leupolt und unser erben zu der Newnstat und andern stuken die uns da oben auzbeschaiden sind, haben und besitzen ewikleich zu unserm tail das land und hertzogtum ze Steyr mit den gemerken auch von des von Saltzburg gepiet derichts ab untz an das Ungerisch, als das oben auzbeschaiden ist, und als das alles in die hofschrann ze Gretz und die haubtmannschaft ze Steyr gehört, als es ein hauptman daselbs untz her innegehebt hat; und dartzu die hertzogtum ze Kernden und ze Krain die herscheft auf der Windischen Marich ze Portenaw ze Isterreich in der Metlik ze Felters und ze Sibidat und die grafschaft und herschaft ze Tyrol mit dem land an der Etsch in dem Intal und dartzu die grafschaft ze Habspurg ze Phyrt und ze Kyburg und die marggrafschaft ze Burgow und die landgrafschaft ze Elsazze und die stat und herschaft ze Friburg in Ochtland und alles das das wir baide vormaln untz auf disen heutigen tag mit einander gehebt haben ze Swaben ze Elsazzen und in Brisgow, es sey aigen lehen oder phand, wa das gelegen und wie das genant ist geistlich und weltlich nichts auzgenomen mit allen herren rittern und knechten und mit allen den vesten stetten merkten dörffern und gütern mautten zöllen gerichten vogtein gelaitten wiltpenn und allen andern ampten nützen und gülten, wie die genant oder wa die gelegen sein, mit fürstlicher herschaft und vollen gantzen gewelten und mit aller lehenschaft und manschaft, geistlicher und weltlicher, als wir bede dieselben hertzogtum herscheften und gebieten untz herbracht und inngehebt haben. Dartzu sein wir auch überain komen, daz die obgenanten unser beder land mit namen Österreich und das land ob der Ens Steyr Kernden und Krain süllen gegen einander mit strazzen mautten zöllen und niderlegungen beleiben und gehalten werden, als bey dem egenanten unserm lieben herren und vatter hertzog Albrechten seligen herkomen ist untz an uns. Und sol dawider unser dwederr dhain newung ane des andern willen und gunst nicht machen noch tun in dhainem weg. Ob auch unser dhainer mit seinen herren rittern und knechten oder mit ander yemand in seinen landen ichts ze schaffen hiet oder ze tun, des sol sich der ander nichts annemen in dhain weise ane alain was er mit freuntleicher bet an im gehaben mag. Es sol auch unser dhainer in des andern landen und gebieten nichts kauffen noch verphenden ane des andern willen und gunst. Ob auch, davor got sey, unser dhainer oder nach uns unser dhains erben ane erben abgiengen, so sullent alle desselben lande fürstentum und herschefte auf den andern und auf sein erben gentzleich erben und gevallen. Wir sein auch überain komen, daz sich unser yetwederr von allen den obgenanten landen und herscheften geschreiben und auch wappen und banyer davon gefüren mag als vor. Und daz die vorgeschriben tailung und auch die gemechtnuzz und alle die stuk punt und artikel, die daoben begriffen sind und ir yekleicher ewikleich stet vest und
	unzerbrochen beleiben, so haben wir darüber zwen geleich brief gegen einander geben, versigelt mit unser beder grozzen fürstleichen anhangenden insigeln, damit wir uns verpinden und auch geloben wizzentleich für uns und alle unser erben bey unserr fürstleichen wirdikeit und bey den aiden, die wir bede leiplich darumb hintz den hailigen gesworn haben, daz wir das alles ewikleich stet haben und volfüren und gentzleich dabey beleiben süllen und wellen und dawider nymmer kömen noch getün in dhain weise. Das ist beschehen und ist diser brief gegeben in dem closter ze dem Newnperg an sunntag vor sand Michels tag, do man zalt nach Krists geburt dreutzehnhundert iaren und darnach in dem newn und sibentzigistem iare.
Aussteller:	Herzog Albrecht III. und Herzog Leopold III.
Empfänger/Vertragspartner:	Herzog Albrecht III. und Herzog Leopold III.
Ort:	Neuberg an der Mürz
Umfang/Format:	2 Exemplare; Maße des 1. Exemplars: 68,7 x 31 cm
Sprache:	Deutsch
Siegel:	2 wachsfarbene Reitersiegel der Aussteller
Beschreibstoff:	Pergament

Angaben zur Benutzung
Reproduktion vorhanden:	Digitale Aufnahme
Reproduktionsbestimmungen:	Kopie der digitalen Aufnahme

Angaben zu verwandtem Material

Veröffentlichungen:

Ernst von Schwind, Alphons Dopsch, Ausgewählte Urkunden zur Verfassungsgeschichte der deutsch-österreichischen Erblande im Mittelalter (Innsbruck 1895) Seite 270-273; 1100 Jahre österreichische und europäische Geschichte in Urkunden und Dokumenten des Haus-, Hof- und Staatsarchivs, hg. von Leo Santifaller (Wien 1949) Nr. 24 (Edition und Abbildung). RH V/3, S. 241-243, Nr. 1868; Andacht und Herrschaft. Der Altar von Schloss Tirol (Katalog zur Ausstellung im Südtiroler Landesmuseum Schloss Tirol, 2023) S. 175-177, Kat.-Nr. 2.10 (mit Abbildung).