AT-OeStA/HHStA UR AUR 4695 Papst Johannes XXII. trägt den Bischöfen von Prag und Raab und dem Propst von Klosterneuburg auf, die Kartäuserklöster gegen Eingriffe in deren Rechte zu schützen und gegen derartige Rechtsverletzungen mit den kirchlichen Strafmitteln, speziell der Exkommunikation, einzu

Archivplan-Kontext

AT-OeStA Österreichisches Staatsarchiv (Archiv (ÖStA))
- AT-OeStA/HHStA Haus-, Hof- und Staatsarchiv (Abteilung)
  - AT-OeStA/HHStA UR Urkundenreihen, Siegelabguss- und Typarsammlungen, Staatsverträge Abschriften und Drucke, 0816.02.05 - 1918.09.14 (Bestandsgruppe)
    - AT-OeStA/HHStA UR AUR Allgemeine Urkundenreihe (AUR), 0816.02.05-1918 (Bestand)
      - Allgemeine Urkundenreihe 2952 - 17540, 1300 (ca.)-1399.12.29 (Teilbestand)
        
        AT-OeStA/HHStA UR AUR 4694 Friedrich Gunthersperger, seine Ehefrau Elsbet, seine Söhne Georg und Symon, Rapot von Ebs und sein Sohn Niklas verkaufen Erzbischof Friedrich von Salzburg den Hof zu Helfenstein und die Schwaige zu Leiten im Zillertal, erzbischöfliches Lehen, um 95 Mark Kreuzerpfennige,
        AT-OeStA/HHStA UR AUR 4695 Papst Johannes XXII. trägt den Bischöfen von Prag und Raab und dem Propst von Klosterneuburg auf, die Kartäuserklöster gegen Eingriffe in deren Rechte zu schützen und gegen derartige Rechtsverletzungen mit den kirchlichen Strafmitteln, speziell der Exkommunikation, einzu
        AT-OeStA/HHStA UR AUR 4696 Papst Johannes XXII. beauftragt den Propst von Klosterneuburg, die von der Kartause Mauerbach abgekommenen Güter wieder an dieselbe zurückzubringen., 1318.07.04 (Einzelstück (Aktenstück, Bild, Karte, Urkunde))

Angaben zur Identifikation
Signatur:	AT-OeStA/HHStA UR AUR 4695
Titel:	Papst Johannes XXII. trägt den Bischöfen von Prag und Raab und dem Propst von Klosterneuburg auf, die Kartäuserklöster gegen Eingriffe in deren Rechte zu schützen und gegen derartige Rechtsverletzungen mit den kirchlichen Strafmitteln, speziell der Exkommunikation, einzuschreiten.
Entstehungszeitraum:	04.07.1318
Entstehungszeitraum, Anm.:	quarto nonas iulii
Stufe:	Einzelstück (Aktenstück, Bild, Karte, Urkunde)

Angaben zum Kontext
Provenienz:	Rep. 3; Kartause Mauerbach
Archivalienart:	Urkunde

Angaben zu Inhalt und Struktur
Regest:	Johannes episcopus, servus servorum dei, venerabilibus fratribus Pragensi et Jauriensi episcopis ac dilecto filio preposito ecclesie Nevnburgensis, Pataviensis diocesis, salutem et apostolicam benedictionem. [M]ilitanti ecclesie licet inmeriti disponente domino presidentes circa curam ecclesiarum et monasteriorum omnium solercia reddimur indefessa solliciti, ut iuxta debitum pastoralis officii eorum occurramus dispendiis et profectibus divina cooperante clemencia salubriter intendamus. Sane dilectorum filiorum . . prioris et conventus maioris domus Carthusie, Gracionopolitane diocesis, aliorumque priorum et fratrum ac conversorum Carthusiensis ordinis in diversis mundi partibus consistencium conquestione percepimus, quod nonnulli venerabiles fratres nostri, patriarche archiepiscopi episcopi ceterique ecclesiarum prelati ac clerici et ecclesiastice persone tam religiose quam seculares necnon duces marchiones comites et barones nobiles milites communia civitatum universitates et alie singulares persone occuparunt seu occupari fecerunt ecclesias villas oppida colonos et servos animalia decimas nemora prata pascua piscarias venaciones ortos pomeria molendina terras domos vineas possessiones iura redditus et proventus ipsorum et alia bona mobilia et immobilia ad priores fratres et ordinem predictos spectancia et ea detinent occupata, nonnulli eciam civitatum et parcium predictarum, qui nomen domini in vacuum recipere non formidant, prioribus et fratribus supradictis super ecclesiis villis opidis colonis et servis animalibus decimis nemoribus pratis pascuis piscariis venacionibus ortis pomeriis molendinis terris domibus vineis possessionibus iuribus redditibus et proventibus eorundem et quibuscumque aliis bonis mobilibus et immobilibus spiritualibus et temporalibus ac aliis rebus ad priores et fratres predictos spectantibus multiplices molestias et iniurias inferunt ac iacturas. Quare dicti priores et fratres nobis humiliter supplicarunt, ut cum eisdem valde reddatur difficile, pro singulis querelis ad apostolicam sedem habere recursum, providere sibi super hoc paterna diligencia curaremus. Nos igitur adversus occupatores presumptores molestatores et iniuriatores huiusmodi illo volentes eis remedio subvenire, per quod illorum compescatur temeritas et aliis aditus committendi similia precludatur, discrecioni vestre per apostolica scripta mandamus. quatenus vos vel duo aut unus vestrum per vos vel per alium seu alios, etiamsi sint extra loca, in quibus deputati estis conservatores et iudices. prefatis prioribus et fratribus efficacis defensionis presidio assistentes non permittatis eosdem super hiis et quibuslibet aliis bonis et iuribus ad dictos priores et fratres spectantibus ab eisdem vel quibuscumque aliis indebite molestari vel eis gravamina seu dampna vel iniurias irrogari facturi dictis prioribus et fratribus, cum ab eis seu vicariis aut procuratoribus suis vel eorum aliquo fueritis requisiti, de predictis et aliis personis quibuslibet super restitucione ecclesiarum villarum oppidorum colonorum et servorum animalium decimarum nemorum pratorum pascuorum piscariarum venacionum ortorum pomeriorum molendinorum locorum terrarum domorum vinearum possessionum iurium reddituum et proventuum ac bonorum mobilium et immobilium et aliorum quorumcumque bonoruni necnon de quibuslibet molestiis iniuriis atque dampnis presentibus et futuris in illis videlicet, que iudicialem requirunt indaginem, de piano sine strepitu et figura iudicii, in aliis vero, prout qualitas ipsorum exegerit iusticie complementum, occupatores seu detentores molestatores
	presumptores et iniuriatores huiusmodi necnon contradictores quoslibet et rebelles, cuiuscumque dignitatis status ordinis vel condicionis extiterint, quandocumque et quocienscumque expedierit, per censuram ecclesiasticam appellacione postposita compescendo invocato ad hoc si opus fuerit auxilio brachii secularis non obstantibus felicis recordacionis Bonifacii pape VIII predecessoris nostri, in quibus cavetur, ne aliquis extra suam civitatem vel dyocesim nisi in certis exceptis casibus et in illis ultra unam dietam a fine sue dyocesis ad iudicium evocetur seu ne iudices et conservatores a sede deputati predicta extra civitatem et dyocesim, in quibus deputati fuerint, contra quoscumque procedere sive alii vel aliis vices suas committere aut aliquos ultra unam dietam a fine dyocesis eorumdem trahere presumant. seu quod de aliis quam de manifestis iniuriis vel violenciis et aliis, que iudicialem indaginem exigunt, penis in eos, si secus egerint. et in id procurantes adiectis conservatores se nullatenus intromittant, et tam de duabus dietis in concilio generali, dummodo ultra duas vel tres dietas aliquis extra suam civitatem et dyocesim auctoritate presencium non trahatur, quam aliis quibuscumque constitucionibus a predecessoribus nostris Romanis pontificibus tam de iudicibus delegatis quam et conservatoribus quam personis ultra certum numerum ad iudicium non vocandis, aut aliis editis, que nostre possent in hac parte iurisdiccioni aut potestati eiusque libero exercicio quomodolibet obviare seu si aliquibus communiter vel divisim a predicta sit sede indultum, quod excommunicari suspendi vel interdici seu extra vel ultra certa loca ad iudicium evocari non possint, per litteras apostolicas non facientes plenam et expressam ac de verbo ad verbum de indulto huiusmodi et eorum personis et locis ordinibus ac nominibus propriis mencionem et qualibet alia indulgencia dicte sedis generali vel speciali, cuiuscumque tenoris existat, per quam presentibus non expressam vel totaliter non insertam nostre iurisdiccionis explicacio in hac parte valeat quomodolibet impediri et de qua cuiusque toto tenore de verbo ad verbum in nostris litteris habenda sit mencio specialis. Ceterum volumus et apostolica auctoritate decernimus, quod quilibet vestrum prosequi valeat articulum eciam per alium inchoatum, quamvis idem inchoans nullo fuerit impedimento canonico impeditus, quodque a dacione presencium sit vobis et unicuique vestrum in premissis omnibus et eorum singulis ceptis et non ceptis presentibus et futuris perpetuata potestas et iurisdictio attributa, ut eo vigore eaque firmitate possitis in premissis omnibus ceptis et non ceptis presentibus et futuris et pro predictis procedere, acsi predicta omnia et singula coram vobis cepta fuissent et iurisdictio vestra et cuiuslibet vestrum in predictis omnibus et singulis per citacionem vel modum alium perpetuata legittimum extitisset constitucione predicta super conservatoribus et alia qualibet in contrarium edita non obstante. Datum Avinione quarto nonas iulii, pontificatus nostri anno secundo.
Aussteller:	Papst Johannes XXII.
Empfänger/Vertragspartner:	Kartause Mauerbach
Ort:	Avignon
Sprache:	Latein
Siegel:	Siegel abgefallen
Beschreibstoff:	Pergament

Angaben zur Benutzung
Reproduktion vorhanden:	Digitale Aufnahme
Reproduktionsbestimmungen:	Kopie vom Digitalisat

Angaben zu verwandtem Material
Website:	http://monasterium.net/mom/AggOCart/1318_VII_04/charter

Weitere Bemerkungen

Bemerkungen:

Diese Urkunde vidimiert 1324 April 18 Bischof Heinrich von Gurk "pro tunc iudex et conservator libertatum et iurium fratrum ordinis Carthusiensis a sede apostolica delegatus" auf Bitten des Priors Gotfrid und des Konventes von Mauerbach, welche ihm dieselbe im Original mit Bleibulle an Hanfschnur vorlegten. "Datum Strazburge quarto decimo kalendas maii" (1324). - Neuerdings läßt sie Leonhard Schawer, "decretorum doctor, Ratisponensis, Pataviensis et Brixinensis ecclesiarum canonicus, officialis curie Pataviensis" auf Bitten des Priors Johann zu Axpach nach der Vorlage im Originale mit der Bleibulle an Hanfschnur durch den Notar Nikolaus "quondam Jacobi de Respicz", einen Kleriker der Passauer Diözese, vidimieren. "Datum et actum Wïenne in domo habitacionis nostre in loco solito, ubi ad reddendum iura pro tribunali sedere consuevimus (1399), indiccione septima, die vero vicesima sexta mensis maii hora vesperorum vel quasi, pontificatus . . . Bonifacii . . . pape noni anno decimo presentibus venerabilibus viris, dominis Giselhero Doberkaw, decretorum doctore, Johanne Lippelstorffer (irrig statt Hippelstorffer), decano et plebano ad Sanctum Stephanum super Wagram, et discreto viro, domino Symeone, rectore capelle sancti Petri in Wienna, Pataviensis diocesis, testibus."
Notariatsinstrument