Angaben zur Identifikation |
| Signatur: | AT-OeStA/HHStA UR Gschwendt 17 |
| Titel: | Engeldich von Kreuzbach und seine Verwandten verkaufen an Stephan von Hohenberg das Haus zu Chreuzbach samt Zubehör sowie die Kirchenvogtei und eine Gülte in der Wilhelmsburger und St. Veiter Pfarre um 425 Pfund Wiener Pfennige |
| Entstehungszeitraum: | 06.03.1323 |
| Stufe: | Einzelstück (Aktenstück, Bild, Karte, Urkunde) |
|
Angaben zum Kontext |
| Archivalienart: | Urkunde |
|
Angaben zu Inhalt und Struktur |
| Regest: | Ich Engeldich von Chreuzpach vnd mein Hausvra°we vra° Haedwich vnd ich Gvndacher sein aidem vnd mein Hausvra°we vra° agnes wier veriehen vnd tuen chunt allen den, die disen Brief ansehent oder hoerent lesen, die nv lebent oder her na°h chuenftich sint, daz wier mit verdaehtem muet vnd mit guetem willen vnd mit Gvnst aller vnserr Erben vnd mit veraintem Ra°t ze den zeiten, dv wier iz wol getuen maehten, verchauft haben daz Haus ze Chreuzpach, daz vnser Rehtez aigen gewesen ist vnd swaz dor zve gehoert ver sueht vnd vn versucht, an Pawe, an wismad, an Holtze, an vischwaid, an Weynwahst vnd die Lehenschaft an der Chyrhen ze Chreuzpach mit dem aigen vnd mit aller Vogtay vnd achzig Phenninge vnd fuenf Phvnt guelt, daz gelegen ist in Wilhalmspurger vnd in veitinger Pharre vnd in dem Chreuzpache, daz auch vnser Rehtez aigen gewesen ist, Herren Stephanen von Hoehenwerch vnd seiner Hausvra°wen vra° Chvenigunden vnd ier paider Erben ze verchauffen, ze versetzen vnd allen ieren frumen do mit ze schaffen vnd gewen, swem si wellen, vmb fuenf vnd zwainzich phunt vnd vmbe vier hundert phunt phenninge wienner Muenizze, der wier Rehte vnd Redleich gewert sein, vnd dor v°ber setze wier vns ich vorgenanter Engeldich von Chreuzpach vnd ich Gvndacher sein aidem der Payr von Russbach vnd ich Haidenreich von Toehenstain vnd ich Leutold von Wildek des vavsleins (?) sven von Oeleht ze Rehtem scherme vnd gewern fuer alle ansproch, als man Rehtez aigen schermen sol noch des Landes gewonhait ze Oesterrich dem vorgenanten hern Stephanen von Hohenwerch vnd seiner Hausfra°wn vra° Chvnigunden vnd ier paider Erben, vnd ob sev auch an dem vorgenanten Haus ze Chreuzpach oder an dem penanten guet, daz sev dar zve gechauft habent, dehainen schaden naemen mit Reht, iz wer von Jvden oder von Christen, den schuell wier in auz rihten vnd schuellen auch daz haben au°f alle dev, daz wier haben in dem Lande ze Oesterrich. Dor veber durch pezzer sicherhait, daz disev Red also ste\at vnd on verwandelt peleib, so geb wier ich oft genanter Engeldich von Chreuzbach vnd ich vorgenanter Gvndacher sein aidem der payr von Ruesspach vnd ich Haidenreich von Te\ahenstain vnd ich Egenanter Leutold von wildek disen Brief zv einem wa°ren gezeuge vnd zve einem sihtigen v°rchvend diser sache versigelt mit vnsern Insigeln her Stephanen von hohenwerch vnd seiner Hausvra°wn vra Chuenigunden vnd ier paider Erben Suenen vnd Toehtern mit den Gezeugen, die herna°h geschriben stent, Her Dietrich von Pilichdorf Marschalich ze den zeyten in Oesterrich, Her Weichhart von Topel Lant Rihter zeden Zeiten, Her Dietrich von weizzenberch, Her Otto der Weizzenberger von Roetelperge, Her Ott von Sle\at, Her alber von Mainberch, Erchenger der Cherspech, vlreich der Greul, Marchard der Nevnwalder vnd Otto sein Brueder vnd ander piderbe leut genuege, den disev sache wol chunt ist. Der brief ist gegewen ze Wienne vnd Ditze ist geschehen, dv von Christes gepurd warn Ergangen Drevzehen hundert Jar vnd zwainzich Jar, dar na°h in dem Dritten Jar des Svnnetages ze Mittere Vasten. |
| Ort: | Wien |
| Sprache: | Deutsch |
| Siegel: | fehlt |
| Beschreibstoff: | Pergament |
|
Angaben zur Benutzung |
| Reproduktion vorhanden: | Digitale Aufnahme |
|
Angaben zu verwandtem Material |
| Veröffentlichungen: | OÖUB 5 (Wien 1868), S. 351-353, Nr. 359 |
|
| |
Deskriptoren |
| Einträge: |  Wien (Ort\Österreich\Politische Struktur (aktuell)) |
| |
Verwandte Verzeichnungseinheiten |
| Verwandte Verzeichnungseinheiten: | keine |
| |
Benutzung |
| Schutzfristende: | 31.12.1353 |
| Erforderliche Bewilligung: | Keine |
| Physische Benützbarkeit: | Uneingeschränkt |
| Zugänglichkeit: | Öffentlich |
| |
URL für diese Verz.-Einheit |
| URL: | https://archivinformationssystem.at/detail.aspx?ID=11604 |
| |
Social Media |
| Weiterempfehlen | |
| |