AT-OeStA/HHStA UR Gschwendt 16 Jans, Sohn Perchtolds des Murren, und dessen Hausfrau Kunigund verkaufen den hinteren Teil ihres Hauses in der Walchstraße in Wien an Albrecht den Prunner und seine Hausfrau Mechtild um fünfzig Pfund Wiener Pfennige, 1323.03.06 (Einzelstück (Aktenstück, Bild, Karte,

Angaben zur Identifikation Signatur: AT-OeStA/HHStA UR Gschwendt 16 Titel: Jans, Sohn Perchtolds des Murren, und dessen Hausfrau Kunigund verkaufen den hinteren Teil ihres Hauses in der Walchstraße in Wien an Albrecht den Prunner und seine Hausfrau Mechtild um fünfzig Pfund Wiener Pfennige Entstehungszeitraum: 06.03.1323 Entstehungszeitraum, Anm.: des Svntages ze Mitter vasten Stufe: Einzelstück (Aktenstück, Bild, Karte, Urkunde)
Angaben zum Kontext Archivalienart: Urkunde
Angaben zu Inhalt und Struktur Regest: Ich Jans hern Perchtoldes svn des Mvrren vnd ich Chvnigvnt sein hausvrowe wir vergehen vnd Tvn chvnt allen den, die disen prief lesent oder horent lesen, die nv lebent vnd hernach Chvnftich sint, Daz wir mit vnser erben gvten willen vnd gvnst, mit verdahtem mvet vnd mit gesampter hant zv der zeit, do wir iz wol getvn muchten, vnd mit hern Fridreichs hant zv den zeiten amman vnd Phleger der Schoten gvt ze wienne verchauft haben daz hinter Tail an dem haus, daz da leit in der walchstrazze ze wienne, vnd stozzet an des Hertzogen Padstvben, daz weilen vron hadmv°ten gewesen ist, Da man ellev jar von dient Dreizich phenninge hintz den Schoten ze rechtem Grvntrecht vnd nicht mer, di selber recht Grvntherren sint, Daz selbe hinter Tail des vorgenanten Haus haben wir verchauft vnd geben mit allem dem nvtz vnd recht, als wir iz in Purchrechtes gewer her pracht haben, vmb Fvmftzich phvnt wienner phenninge, der wir recht vnd redleich gewert sein, dem erbern manne albrechten dem Prvnner vnd seiner hausvrowen vron Mechthilten vnd irn erben ledichleichen vnd vreileichen ze haben vnd allen irn frvmen da mit ze schaffen, verchauffen, versetzen vnd geben, swem si wellen an allen irresal, vnd auch also mit aus genomner Rede, daz wir vnd vnser erben In ein ewigev Fridmavre gelaet haben, dev da get von dem Ekke des Tores vntz an die stvben, dev zv den zeiten da gestanden ist, vnd als die planchen ê da gewesen sint, vnd svln auch sev in die selben mavre dehain recht haben weder mit Tramen noch mit Lieht, an so vil, daz si irn frvmen an di mavre schaffen svln an der selben maure schaden vnd syln auch wir an die selben Maure vnd daraus allen vnsern frumen schaffen oder vnser nachchomen an allen irresal vnd sol auch daz wazzer aus vnserm hof oder vnser nach chomen durch die selbev fridmavre gen datz irm Tor aus an allen irresal vnd an allen Chriege vnd svln auch wir vnd vnser nachchomen ein Rinnen vnder daz gewelbe irs Tors legen, die da ge von der fridmavre vntz an ir Tor, da daz wazzer ewichleich inne aus gê, vnd so daz geschieht, so svln wir noch vnser nachchomen mit der selben Rinne nicht mer ze schaffen haben an so vil, ob daz waer, daz die selben Rinne verdurbe von rechter favlhait oder von andern sachen, daz man mit rechter warhait mit den vmbssetzen wol bewaern mach, so svln wir oder vnser nachchornen ein andrev Rinne an die selben stat legen jn allem dem recht, als vor verschoben ist, vnd sein auch wir ich vorgenanter Jans vnd ich Chvnigvnt sein hausvrowe vnuerschaidenleich mit sampt vnsern erben albrechtes des Prvnner vnd seiner hausvrowen vron Moechthilten vnd ir erben des hinter Tailes des vorgesprochen hauses, als vor verschriben ist, rechter gewer vnd scherm fur alle ansprach, als purchrechtes Recht ist vnd der Stat recht ze wienne vnd wand wir selber nicht aigens jnsigels haben, so geben wir jn disen prief zv ainem offen vrchvnde vnd zv ainem waren gezevge diser sach versigilten mit des egenanten hern Fridreichs jnsigil der Schoten amman vnd mit hern Starchantes jnsigil des Schober, die diser sach gezevge sint mit irn jnsigiln, vnd sint auch des gezevge her Chvnrat der wienner, her Chvnrat der oetzkeinstorfer, her Chvnrat der Schober, her Perchtolt der Mvrre, her Vlreich der zeiweter, her Nichlas hern Weichardes aidem, Gotfrit hern Reinhartes svn, her Perchtolt der Pogner, her Hainreich mit dem Voerlein, her Stephan der fischcholbe vnd ander frvmen Levt genvech, den disev sach avch chvnt ist. Diser prief ist geben ze wienne nach Christes gepurt Drevzehen Hvndert iar in dem Drev vnd zwaintzgisten iar dar nach des Svntages ze Mitter vasten. Aussteller: Jans, Sohn Perchtolds des Murren, und dessen Hausfrau Kunigund Empfänger/Vertragspartner: Albrecht den Prunner und seine Hausfrau Mechtild Ort: Wien Sprache: Deutsch Siegel: fehlt Beschreibstoff: Pergament
Angaben zur Benutzung Reproduktion vorhanden: Digitale Aufnahme
Angaben zu verwandtem Material Veröffentlichungen: OÖUB 5 (Wien 1868), S. 353-354, Nr. 360
Deskriptoren
Einträge:	Wien (Ort\Österreich\Politische Struktur (aktuell))
Verwandte Verzeichnungseinheiten
Verwandte Verzeichnungseinheiten:	keine
Benutzung
Schutzfristende:	31.12.1353
Erforderliche Bewilligung:	Keine
Physische Benützbarkeit:	Uneingeschränkt
Zugänglichkeit:	Öffentlich
URL für diese Verz.-Einheit
URL:	https://archivinformationssystem.at/detail.aspx?ID=11603
Social Media
Weiterempfehlen