AT-OeStA/HHStA UR Gschwendt 23 Kadolt und Kunigund von Altenburg und deren Verwandtschaft verkaufen dem Pfarrer Heinrich zu Traisen den Hof in der Wetterlucken und ein Viertel des Hasenhofes um 11 Pfund und 60 Pfennige Wiener Münze., 1327.02.02 (Einzelstück (Aktenstück, Bild, Karte, Urkunde))

Archivplan-Kontext

AT-OeStA Österreichisches Staatsarchiv (Archiv (ÖStA))
- AT-OeStA/HHStA Haus-, Hof- und Staatsarchiv (Abteilung)
  - AT-OeStA/HHStA UR Urkundenreihen, Siegelabguss- und Typarsammlungen, Staatsverträge Abschriften und Drucke, 0816.02.05 - 1918.09.14 (Bestandsgruppe)
    - AT-OeStA/HHStA UR Schlossarchiv Gschwendt Urkunden des Schlossarchivs Gschwendt, 1300.03.25 - 1437.04.26 (Bestand)

Angaben zur Identifikation
Signatur:	AT-OeStA/HHStA UR Gschwendt 23
Titel:	Kadolt und Kunigund von Altenburg und deren Verwandtschaft verkaufen dem Pfarrer Heinrich zu Traisen den Hof in der Wetterlucken und ein Viertel des Hasenhofes um 11 Pfund und 60 Pfennige Wiener Münze.
Entstehungszeitraum:	02.02.1327
Stufe:	Einzelstück (Aktenstück, Bild, Karte, Urkunde)

Angaben zum Kontext
Archivalienart:	Urkunde

Angaben zu Inhalt und Struktur

Regest:

Ich Chadolt der Altenburger Vnd Ich Chvnigunt sein Hausvrow Vnd Ich Chunrat ir Paider svn Vnd Cecilia ir Paider Tochter Vnd ich haynreich des vorgenanten Altenburger Prueder Vnd ich Chunigunt ir Paider Swester Mit Sampt allen vnsern Erben Wier veriehen vnd Tuen chvnt allen den, die disen Prief sehent Oder horent Lesen, Daz wir mit vereintem Rat vnd auch mit gvnst vnserr Pesten vreunt zue der zeit, do wir iz wol getuen Mochten, haben verchauft vnsers rechten aigens ainen Hoff, der gelegen ist in der weterluchen vnd dient fumfthalben Metzen chorns vnd vierzehenthalben Metzen habern an sant Michels tag vnd fumfthalben grosser Rawenstayner Ches zv Pfingsten zwen, zv weinachten zwen vnd ainen halben Ches zue den Ostern, an dem vaschang zway hvener vnd an sant Michels tach zway hvener, Wier haben auch verchauft vnsers Rechten aigens ain viertail ains hoffs, der gehaisen ist des hasen hoff, vnd dient sechzich phenninge geltes wienner gemainer Mvntz an sant Polten tach Mit alle dev vnd zue den vorgenanten zwayen aigen gehort, Ekchern, wizmat vnd holtz, versuecht vnd vnversuecht, gestift vnd vngestift, swie iz genant ist, daz hab wir alles verchauft mit alle dem nvtz vnd Recht, als wier sev in aigens gewer gehabt haben, dem erbern Priester hern haynreichcn pfarrer datz Traisem vnd allen seinen nach chvmen vm ainlef phvnt Phenninge vnd vm sechzich pfenninge wienner Mvntz, der wir gar vnd gentzleich gewert sein, Vnd dor vber durich pezzer sicherhait setze wir vns Ich der vorgenant chadolt der altenburger vnd ich Chvnigvnt sein hausvrow vnd ich Chvenrat ir paider sun Vnd ich Cecilia ir paider tochter Vnd ich haynreich des egenanten altenburger Prueder vnd ich chvnigvnt ir paider Swester Mit sampt allen vnsern erben dem vorgenanten pfarrer datz Traysem vnd allen seinen nach chvmen vber di vor genanten gult zv Rechter gewer vnd scherm fuer alle ansprach, als Lange aigens Recht ist vnd des Landes Recht zv Oesterreich, vnd swas dem oft genanten pfarrer datz Traysem vnd allen seinen nach chvmen dor an ab giench, daz schulle wir im ablegen vnd schol er daz haben mit sampt allen seinen nach chvmen auf alle dem guet, daz wir haben in dem Lande zu Oesterreich. Daz die sach, als vor geschriben ist, stet vnd vnzuprochen bleib, dor vber so geb wir die vorgenanten Chadolt vnd sein prueder haynreich die altenburger disen prief zu ainem steten vrchvnd vnd zv ainer ewigen sicherhait diser sach versigelt mit vnsern paiden Insigeln Vnd mit des erbern prelates apt Othachern zv den zeiten apt datz Lylinveld Insigel vnd mit vnserr vetern paider hern dietreichs vnd Stephans der hohenberger Insigeln, die wir darum gepeten haben die auch der selben sach gezeug sint mit iren Insigeln. Diser sach sint gezeug Her Christan zu den zeiten prior, her herman zv den zeiten chelner, her Leupolt zu den zeiten chamerer datz Lylinveld, Her Dielreich vnd her Oth die weyzzenberger, Marchart vnd Oth die newenwalder, vlreich der grawel, vnd ander frumer Leut genueg, den disev sach wol chvnt ist. Diser prief ist gegeben des Jars, do von Christes gepuert ergangen warn drevzehen hundert Jar, dar nach in dem siben vnd zwaynzigestem Jar, an vnser vrowen tag zu der Liechtmesse.

Aussteller:

Chadolt der Altenburger, seine Ehfrau Kunigunde, ihre Kinder Konrad und Cecilia, sein Bruder Heinrich und seine Schwester Kundigunde

Empfänger/Vertragspartner:

Heinrich, Pfarrer von Traisen

Sprache:

Deutsch

Siegel:

Alle Siegel fehlen

Beschreibstoff:

Pergament

Ansichtsbild: